新同工介紹

中心嚟咗新嘅同工呀，你哋又認唔認識佢哋呢？佢哋各有特色，不如我哋一齊嚟認識吓佢哋呀！

花名：Crystal

興趣：睇海、影相、聽歌、打扮、畫畫、潛水、踩板、睇王家衛嘅電影～

自己介紹/分享：

Hello(•ω•)我係夜展社工Crystal 呀～貪玩嘅我最鐘意同你哋遊走油尖旺區試唔同嘅嘢，想靜靜地睇海談心又得！

最希望可以認識每一個獨一無二又有趣嘅你，聽你分享屬於自己嘅故事。緣份會讓我哋相遇，期待到時陪你一齊探索人生\( ¨̮ )/♡

花名：阿峻

興趣：興趣：打羽毛球，跑步，聽歌

自己介紹/分享：

大家好，我叫阿峻，我鍾意同年青人傾偈，因為想了解每一個年青人背後嘅故事。

雖然咁講有啲老土，但我好鍾意一句歌詞「誰都可發光，只要找對地方」，我好相信年青人只要搵到自己鍾意做嘅嘢，就可以發揮自己嘅所長，所以好希望大家都搵到自己喜愛嘅嘢，同埋繼續努力做自己鍾意嘅嘢。